Sintonía entre o goberno central e o local para o futuro da EDAR

O alcalde de Santiago amosou a súa satisfacción polo cambio de posición por parte do Goberno Central

Martiño Noriega amosou a súa satisfacción coa xuntanza mantida onte en Madrid co director xeral da Auga, Manuel Menéndez, con motivo da EDAR. Desbótase así o proxecto da EDAR do Souto, e asúmese o compromiso de viabilizar a ubicación alternativa da Silvouta.

- Publicidade -

O director xeral da Auga mostrouse disposto a tramitar o estudo de impacto ambiental simplificado. Agora empezaráse a traballar no tema técnico para poder facer as tramitacións e poder captar os fondos Edusi, tal como indicou o propio alcalde.

O alcalde reiterou que “a comparativa de prezos analizada na reunión de onte volve a demostrar que a da Silvouta é unha mellor opción dende o punto de vista económico, pero, sobre todo, éo desde o punto de vista do impacto ambiental”

Faite socia, faite socio

As socias e socios de Nós Televisión son un piar básico. Desde moi pouco, a túa achega económica pode axudarnos a consolidar este espazo audiovisual libre e en galego