As seleccións de fútbol sala feminino de Galiza e Cataluña enfrontaranse o vindeiro 7 de marzo

O trofeo Cenor – Camiño de Santiago celebrarase o martes 7 de marzo, ás 20.30 horas, no Polideportivo de Santa Isabel

O día oito de marzo é o día Internacional das Mulleres. Galiza, que conta con numerosos equipos na máxima categoría de fútbol sala feminino, recibe á selección catalana.

- Publicidade -

A concelleira de deporte, Noa Morales, indicou en rolda de prensa “a importancia do encontro, xa que é o primeiro que se celebra en Santa Isabel da selección absoluta nesta modalidade desde 1998”.

#ElasTaménXogan


O presidente da Federación Galega de Fútbol, Rafael Louzán, fixo fincapé no importante pulo que o fútbol sala feminino ten en Galiza. Preguntado pola prensa en relación á presenza do machismo no fútbol, o presidente do Santiago futsal, Ramón García, indicou que é necesario traballar na igualdade. En palabras súas, aprécianse avances aínda que, en ocasións, é lóxico que demandemos que as mudanzas sexan máis áxiles.

Faite socia, faite socio

As socias e socios de Nós Televisión son un piar básico. Desde moi pouco, a túa achega económica pode axudarnos a consolidar este espazo audiovisual libre e en galego