Para Adrián, a vocación gandeira vén de lonxe. Aínda non cumpridos os 20, fixo unha sociedade civil coa súa nai para poñerse á fronte da granxa familiar en Portogaín (Mántaras, Irixoa, A Coruña). Hoxe, con 33 anos, falou con nós dos problemas aos que se enfrontan as persoas que queren vivir da agricultura e da gandería na Galiza, ou do día a día da xente que aposta, contra vento e marea, por manter vivo o noso rural.