O Concello de Santiago reorganiza as áreas de aparcemento para residentes da cidade vella. O concelleiro de Medio Ambiente e convivencia, Xan Duro, presentou hoxe as modificacións que se levarán a cabo en distintas zonas de aparcamento a partir do 1 de xullo, e que lle afectan fundamentalmente á cidade histórica.
Xan Duro: “Potenciamos a vida na zona vella, máis alá da actividade turística”
.@xanduro explicou que o Concello aposta por "potenciar a vida na zona vella, máis alá da actividade turística" https://t.co/D4noOeJQ03 pic.twitter.com/0qqrMBOOiN
— Nós Televisión (@NosTelevision) 8 de junio de 2017
Máis prazas
Coa totalidade das modificacións previstas, os residentes da cidade histórica pasarán a contar con 115 prazas de estacionamento a partir do vindeiro 1 de xullo atendendo, deste xeito, ás demandas trasladadas pola veciñanza. Gañaranse un total de 38 prazas de estacionamento en San Clemente e outras 33 na rúa da Costa Vella.
Mudanzas nos horarios
No relativo aos horarios, tamén se atrasará o inicio do horario para residentes na rúa de Carlos Maside coa finalidade de atender ás necesidades dos usuarios do centro sociocultural e do pavillón deportivo. Ata agora, o aparcamento libre era ata as 21:00 horas, e pasa a ser ata as 23:00 horas.
