Un proxecto para humanizar a cidade

O concelleiro de Espazos Cidadáns, Dereito á Vivenda e Mobilidade, Jorge Duarte, visitou Montero Ríos para comprobar o estado das obras nesta rúa.

O concelleiro explicou o proxecto de humanización, que recupera espazos para a cidadanía nesta rua comercial e contribue tamén ao calmado de tráfico.

“A prioridade é que as persoas ocupen o espazo público por riba dos vehículos”

Jorge Duarte sinalou que a humanización desta rúa conta con dous elementos destacables: a praza peonil elevada e a configuración da zona de carga e descarga. Ademais, sinalou o impacto que terá esta humanización no uso do transporte público da nosa cidade.

.@jorgeduarteva “A prioridade é que as persoas ocupen o espazo público fronte os vehículos” https://t.co/m200y8uSr8 pic.twitter.com/MdxkqkkXMM

— Nós Televisión (@NosTelevision) 12 abril 2017

“Hai un retorno positivo tanto da veciñanza como dos comerciantes da zona”: Jorge Duarte, Concelleiro de Espazos cidadáns

A piques de rematar as obras en Montero Ríos, xa está habendo un retorno positivo tanto da veciñanza como dos comerciantes desta rúa. Tamén destaca a satisfacción por parte do colectivo dos taxistas, xa que a súa parada cambiou de localización e pasa da beirarrúa esquerda á dereita.

Moitos comerciantes solicitan que a rúa pase a ser peonil, pero este tipo de medidas só se poderán levar a cabo unha vez esté aprobado o plan de mobilidade.