O vindeiro 2 de xullo entrará en vigor a Lei de Espectáculos de Galicia, aprobada en solitario polo PP, que prohibe as actuacións ao vivo en discotecas, karaokes e calquera outro local de ocio. Esta medida conta cunha forte oposición do sector hostaleiro da cidade e do propio Goberno local.
A Concelleira de Acción Cultural de Santiago vén de remitirlle á Xunta de Galicia un escrito no que se solicita a “flexibilidade” nas categorías do catálogo de establecementos para garantir, entre cousas cousas, que as entidades locais teñan marxe para adaptar as “singulares características do municipio”
as actuacións de música en vivo son un elemento cultural de primeira orde
O Goberno local lembra que “a Xunta leva 13 anos sen realizar ningunha actualización no catálogo a pesar de que son notorios os múltiples cambios que se rexistran no sector tanto desde o punto de vista dos medios técnicos e tecnolóxicos como dos usos sociais”, e cando o Decreto polo que se creou o catálogo establecía a previsión de adaptalo con periodicidade anual.
[Arquivo] Martiño Noriega: “A música ao vivo é un sinal de identidade desta cidade”