“Queremos decidilo todo e tamén sobre a monarquía española”

O estudantado das tres universidades do país prepara un refendo sobre a monarquía no que poderá participar toda a comunidade educativa

O estudantado das tres universidades galegas colle a iniciativa para preguntar se queremos ou non unha monarquía. Así, o estudantado da Universidade de Santiago sumouse ao de Vigo e da Coruña nun movemento que xa iniciaron hai días centros de Madrid, Barcelona ou Zaragoza.

- Publicidade -

Cuestionar o papel da monarquía española

“Contactamos polas redes sociais e vimos outras iniciativas, pensamos que sería interesante poñelo en práctica aquí”, sinala Esteban Ferrer, estudante e membro do grupo promotor da Asemblea da USC.

Nas tres Universidades

Ourense acolleu a primeira das asembleas no serán deste pasado luns. Ademais, este martes terán a primeira xuntanza aberta en Compostela e terá lugar ás 20 horas na aula 8 da Facultade de Xeografía e Historia. Ali agardan decidir as preguntas do referendo no que, segundo relata Esteban, “tamén trataremos do modelo de organización política do noso país”. Pola súa banda, o campus de Vigo acollerá tamén este martes unha asemblea aberta coa mesma idea e terá lugar ás 12:00h no Salón de Actos da Facultade de Filoloxía e Tradución. En cambio, na Coruña, esta asemblea terá lugar o xoves 29 de novembro ás 15:00h en Socioloxía.

Faite socia, faite socio

As socias e socios de Nós Televisión son un piar básico. Desde moi pouco, a túa achega económica pode axudarnos a consolidar este espazo audiovisual libre e en galego