Despois de tres horas, a virxe de pedra que apareceu no río Sar, e que podería datar do século XIV, foi rescatada e traslada ao Museo das Peregrinacións onde se procederá á súa análise.
A peza pesa sobre uns 300 quilos e perdeu toda a policromía que tiña, ademais de parte do seu rostro. A virxe ten dous anxos laterais e semella que estaba suspendida porque a decoración da base está ben conservada. A veciñanza cre que puido formar parte dunha presa que se derrubou preto do psiquiátrico. Polo de agora, tan só son hipóteses.
