Reclamar a devolución ao pobo do Pazo de Meirás pode ter graves consecuencias. A Fundación Franco e a familia do ditador piden, para as 19 persoas que “tomaron” o edificio o pasado agosto, cadansúa condena de 13 anos de prisión. Como resposta, a plataforma de afectadas promove un manifesto a prol da absolución que xa asinaron dous millares de persoas de diferentes países.
Néstor Rego non dá crédito a unha denuncia que lles imputa os delitos de odio e vulneración da honra, mais asegura que as súas accións non se deterán até que a familia do ditador devolva os bens espoliados. Asemade, lembra que depende do Goberno central seguir a aplicar a Lei de Memoria Histórica e, entre outras medidas, ilegalizar a Fundación que enaltece o franquismo.
Conversamos con @NestorRego, voceiro da plataforma en defensa das 19 activistas que "tomaron" o Pazo de Meirás en agosto do pasado ano pic.twitter.com/KJkIlbmewS
— Nós Televisión (@NosTelevision) June 24, 2018
Manifesto de apoio
En poucos días, case 2.000 apoios públicos
Entre as persoas que promoveron o manifesto e as que amosan o seu apoio cómpre salientar figuras artísticas coma Miguel de Lira, Valtònyc, Lluís Llach ou Willy Toledo, e políticas coma as eurodeputadas Ana Miranda (BNG), Izaskun Bilbao (EAJ-PNV) ou Jordi Solé (ERC).
