O ata agora líder de En Marea, Luís Villares, anunciou este mércores que non se presentará ás eleccións galegas do vindeiro 5 de abril e que, de feito, a finais de mes abandonará a política. Deste xeito, regresará ao seu posto como maxistrado no Tribunal Superior de Xustiza da Galiza (TSXG). Na redes sociais xa comezan a chegar as primeiras reaccións como o do seu compañeiro no proxecto de En Marea, Davide Rodríguez, ou a nacionalista Ana Pontón.
Encadrar a política galega nun novo paradigma con forzas estatais chocou de cheo cun problema ideolóxico e político que non se deu superado, pero aínda así seguimos camiñando.
Tivemos fallos? Si claro. Tamén algún acerto.
Un pracer partillar vitorias e derrotas contigo Luís. pic.twitter.com/4CYmQ1jThn
— Davide Manzaneda (@DavideManzaneda) February 19, 2020
A portavoz nacional do BNG, e candidata á Presidencia da Xunta, Ana Pontón desexoulle “sorte” e sostivo que “a xustiza recupera un xuíz que demostrou que era unha persoa xusta, que traballou sempre con moito rigor”.
Os meus mellores desexos no persoal e no profesional a @VillaresLuis. Foi unha honra reencontarnos no Parlamento e compartir, desde as diferenzas e encontros, debates e vivencias. A xustiza recupera un xuíz xusto e rigoroso. https://t.co/JmfNQo6CUX
— Ana Pontón (@anaponton) February 19, 2020
