O primeiro sábado de cada mes de xullo celébrase o Día do Cooperativismo Galego, coincidindo co Día Internacional do Cooperativismo. María Abelleira e Óscar Senra son socios da Cooperativa Galega MAOS Inovación Social e fixeron unha xornada de portas abertas para celebralo.

MAOS formouse porque “queríamos participar todos nas decisións, ter o mesmo peso e primar ás persoas por enriba do propio traballo”, explica María Abelleiro, e por iso ela mesma destaca como vantaxe “a posibilidade de contar as túas circunstancias, ser escoitada e non estar sometida a horarios”.