A concelleira de Igualdade, Marta Lois, presentou esta mañá o programa do Entroido dos Xenerais da Ulla. Nel participan oito concellos, entre eles Santiago, A Estrada, Silleda e Teo. A celebración desta festividade terá lugar do 11 de febreiro ao 5 de marzo. O alcalde de Santiago, Martiño Noriega, quixo salientar a importancia desta tradición rural non só por ter unha orixe que se remonta anos atrás, senón polo valor que representa na actualidade.

- Publicidade -

Entre os alcaldes dos Concellos estivo presente o de Vedra, Carlos Martínez, que falou das novidades que se incorporarán este ano.

vlcsnap-2017-02-07-18h04m52s736No acto celebrado esta mañá no Pazo de Raxoi fíxose, tamén, unha recreación dun alto por parte de Catro Xenerais, dous de Boqueixón e dous de Vila de Cruces. Ademais, presentouse un vídeo sobre dita tradición rural elaborado polo alumnado de Debuxo Artístico do IES de Cacheiras.

Faite socia, faite socio

As socias e socios de Nós Televisión son un piar básico. Desde moi pouco, a túa achega económica pode axudarnos a consolidar este espazo audiovisual libre e en galego