Presentación XI Xornada de literatura de tradición oral

Trátase dunha colaboración da Deputación de Lugo coa AELG

O Presidente da Deputación, Darío Campos Conde, asinou esta mañá no Pazo de San Marcos o convenio de colaboración coa Asociación de Escritores en Lingua Galega (AELG), que permitirá investir 25.000 euros na organización de actividades literarias na provincia, entre as que destaca a XI Xornada de Literatura de Tradición Oral, que se presentou esta mesma mañá. No acto estivo acompañado polo Presidente da AELG, Cesáreo Sánchez Iglesias, e polos escritores Antonio Reigosa e Lois Pérez, membros da asociación.

Os representantes da AELG agradeceron a implicación da Deputación nesta programación. Sánchez Iglesias, sinalou “a frutífera colaboración co Goberno provincial, que permite dar continuidade a un proxecto a longo prazo como é a posta en valor da tradición oral”, e os escritores Antonio Reigosa e Lois Pérez, membros da asociación, detallaron a programación da xornada deste ano.

- Publicidade -