Para além da substituiçom direta de um termo por outro (por exemplo “cedo” por “pronto”), umha das vias mais frequentes de empobrecimento do léxico galego é o que a Comissom Linguística da AGAL deu a conhecer neste livro (O Modelo Lexical Galego) com o termo “estagnaçom semântica”. Dá-se quando um termo que sobrevive no mundo tradicional nom amplia os seus valores com a chegada de umha inovaçom tecnológica ou de umha nova variedade comercial, que passa a ser denominada com a palavra castelhana. Depois, com o tempo, o conceito mais rural desaparece e para o conceito moderno fica só a palavra castelhana.