As rúas de Pontevedra voltaron este ano a encherse de persoas de todas as idades que esixiron a fin das desigualdades entre homes e mulleres. Unha grande maioría de mulleres, aínda que tamén con presenza masculina, participaron convocadas polo colectivo “Galegas 8M”.

A xornada comezou cunha festiva manifestación coreaba consignas como “Non á violencia contra as mulleres”, “Patriarcado e capital: alinaza criminal” ou “”Estamos fartas de sermos acosadas”. Logo, na Praza da Ferrería, as hisóricas integrantes da Asembea de Mulleres de Pontevedra leron un manifesto.

Discriminación laboral e agresións

O manifesto defendeu a vida sexual das mulleres e a apostou pola folga de mulleres o 8 de marzo “porque o menosprezo, a humillación, as agresións, a discriminación, a patoloxización e as violencias médicas baten con máis forza nas mulleres lésbicas, bisexuais, trans e intersex”.

Tamén incluiu a diversidade “”Somos migradas, xitanas, con diversidade funcional e radicalizadas. Mulleres de todas as idades (…) E o patriarcado capitalista instrumentaliza esta diversidade para nos dividir, para nos desarterllar con violencias e discriminacións específicas”.

“Hai motivos”

Nós Televisión falou durante a concentración con María Rodríguez (Comisión Nacional da Muller da CIG-Ensino) e Marina Quintillán (docente). Ambas coinciden en que hai motivos de abondo para saír á rúa e continuar coas reivindicacións doutros 8M porque seguen aí.

Unha das reivindicacións, se cadra a que máis repercusión está a ter segundo explica Marina Quintillán, “é a dos coidados”. As mulleres seguen a levar o peso de estar pendentes das máis pequenas mais tamén das maiores, “a maior parte das veces sen ningún tipo de remuneración”.