O Departamento de Seguridade Viaria da Policía Local de Santiago quere que a poboación do municipio faga un uso correcto dos sistemas de retención infantil.
O concelleiro de Medio Ambiente e Convivencia, Xan Duro, acompañado pola oficial da Policia Local Diana Parente, explicou en rolda de prensa que logo de varias iniciativas na procura de máis seguridade para a poboación decidiron tratar o tema das cadeiras infantís nos vehículos motorizados.
.@xanduro presentou hoxe a nova campaña de seguridade viaria que visitará os centros de ensino da cidade https://t.co/PvTcS9WN1l pic.twitter.com/XTaislIS18
— Nós Televisión (@NosTelevision) 26 maio 2017
Dianta Parente: “Detectamos un uso incorrecto dos sistemas de retención infantil”
A oficial da Policia Local, Diana Parente, explicou en que consistirá esta campaña que visitará os centros de ensino da cidade.
Diana Parente, oficial da Policia Local de Santiago, explicou en que consistirá esta nova campaña de seguridade viaria pic.twitter.com/eFHyAY6c6v
— Nós Televisión (@NosTelevision) 26 maio 2017
A campaña que se desenvolverá na propia rúa dende o 29 de maio e ao longo de dúas semanas é a primeira que trata este tema na cidade. A Policía Local ten previstas catro novas charlas informativas sobre este tema, dúas no CHUS, o día 14 de xuño ás cinco da tarde e o 15 de xuño ás once da mañá e outras dúas no Centro Sociocultural do Ensanche, o 16 de xuño ás 17:30 horas, e o 17 de xuño ás 11:00 horas. A inscrición para as mesmas pódese facer a través do teléfono 981 543 001 ou no enderezo electrónico educacionvial@santiagodecompostela.gal.
