Pedro Puy asegura non ter relación coa presunta contratación irregular da súa irmá pola Valedora do Pobo

Os grupos da oposición piden a dimisión de Milagros Otero trala sentenza do TSXG

A sentenza do Tribunal Superior de Xustiza de Galicia é clara: a contratación de María Puy Fraga como Xefa do Servizo da Valedora do Pobo, Milagros Otero, foi “irregular”. Otero, segundo o veredicto xudicial, tería intercedido para favorecer a contratación desta funcionaria, irmá do voceiro parlamentario do PP, Pedro Puy, quen asegura non ter relación con este escándalo.

- Publicidade -

Non teño ningunha relación coa carreira profesional dunha das miñas irmás

Ondada de críticas polo “enchufe”: os grupos da oposición piden a dimisión da Valedora

Este luns, a voceira do BNG, Ana Pontón, cargou duramente contra a Valedora, anticipando que o seu grupo instará ao Pleno a pedir a súa dimisión. A deputada cre que é “inescusábel” que Otero abandone o seu cargo, e advirte a Núñez Feijóo de que non pode “escorrer o vulto”.

Durante estes días, tamén PSdeG e En Marea pediron a dimisión de Milagros Otero, alegando que non ten sentido que “a presidenta dunha institución que loita contra os abusos de poder actúe abusando do seu poder”. Dende o propio PP instan tamén a Otero a “dar explicacións” sobre o acontecido.

Faite socia, faite socio

As socias e socios de Nós Televisión son un piar básico. Desde moi pouco, a túa achega económica pode axudarnos a consolidar este espazo audiovisual libre e en galego