O persoal da biblioteca pública Ánxel Casal realizou este mediodía un parón de 13 a 14 horas para esixirlle á Xunta o peche de todas as bibliotecas de Galicia, como medida preventiva ante a expansión do coronavirus. O colectivo de traballadoras pide que as bibliotecas públicas, que poden chegar a atender 1.200 persoas por día, queden incluídas dentro das medidas extraordinarias para previr a posible ondada de contaxios.