A Plataforma Casalonga Limpa de Residuos denuncia que ENCE pode ser o principal productor de lodos residuais industriais que poderían acabar na Planta de residuos que Toysal quere xestionar na Casalonga (Teo).

- Publicidade -

A empresa Toysal busca unha saída á pranta que ten na actualidade no Parque Empresarial de As Somozas e que leva xa máis de seis anos “compretamente ao límite”. Por iso buscan novos espazos para instalar un novo vertedoiro.

As industrias coas que traballa Toysal son diversas e de todos os sectores, pero os residuos que chegarían á Casalonga serían do sector conserveiro, depuradoras municipais, sector da alimentación, químicas, fosas sépticas, sector automoción e o sector presuntamente máis importante para Toysal, a fabricación e transformación da pasta de papel. Xa que logo, tal e como denuncian desde a Plataforma de Afectadas, ENCE pode ser o principal productor de lodos residuais industriais que xestiona Toysal.

Unha extensión equivalente a uns 14 campos de fútbol. Hai poucas semanas que comezaron as mobilizacións en Teo contra a instalación dunha nova pranta de residuos na contorna de Compostela. Todos os grupos municipais dos concellos de Teo, Ames, Brión, Rois e Padrón manifestaron o seu rechazo a este proxecto. Varios milleiros de persoas participaron na primeira andaina reivindicativa contra a instalación da pranta de residuos proxectada pola empresa Toysal nas inmediacións do monte Casalonga

Faite socia, faite socio

As socias e socios de Nós Televisión son un piar básico. Desde moi pouco, a túa achega económica pode axudarnos a consolidar este espazo audiovisual libre e en galego