Desde o ámbito universitario tamén hai un profundo malestar polo apoio que desde a Xunta, a través da Secretaría Xeral para o Deporte, se lle está a dar ao Campionato de Caza do Raposo que organiza a Federación Galega de Caza.

Óscar Horta, Doutor en Filosofía pola Universidade de Santiago de Compostela, é un firme defensor dos animais e participa da “Fundación Ética Animal”. Desde o seu punto de vista as novas xeracións non apoian este tipo de eventos e as propias institucións deberian ter en conta a súa opinión.