Tras o conflito desatado con respecto ao Monte Neme, as organizacións ecoloxistas denuncian que esta é só a punta do iceberg do que sucede en Galicia con respecto á minería extractiva. As denuncias diríxense cara a Xunta á que acusan directamente de incumprir os plans de restauración mineira logo de que as empresas abandonen a zona sen facerse cargo da contaminación que deixan ao seu paso na contorna.
Incumprimento dos plans de restauración mineira. Nas fotos podemos observar o caso dunhas 3-4 balsas que se atopan a carón do río Furelos en Melide. ¿Que composición quimica e bacteriolóxica teñen estas augas? (fotos 25-2-2018 do xeógrafo Presas). pic.twitter.com/mANtq6mfWS
— Petón do Lobo (@PETONDOLOBO) July 17, 2019
Dende a Plataforma Mina de Touro-O Pino NON destacan que o experto en seguridade mineira, Steven Emerman, advertíu hai unhas semanas durante a súa visita a Galicia da perigosidade destas prácticas para a saúde da poboación e da propia terra.
O abandono das balsas da mina de Monte Neme está dando moito que falar estes días. Steven Emerman xa nos advertiu sobre este risco cando estivo en Galicia.#MinaTouroOPinoNON pic.twitter.com/Tb1LQQWuH8
— Mina Touro – O Pino NON (@minatouropinono) July 18, 2019
Con estas denuncias, apuntan a que non se trata só do Monte Neme onde a cor turquesa das augas chamou a atención dos ‘instagramers’ que acudiron á zona a tirar fotos, e incluso bañarse, pese os carteis que indican da súa perigosidade e ante unha Administración que non drenou as balsas pese as insistentes peticións dende organizacións ecoloxistas e políticas, senón que vai máis aló. As organizacións ecoloxistas e medioambientais sinalan directamente a que situación como as do Monte Neme son consecuencia das políticas da Xunta. “Facelo así é comprar moitos boletos na lotería do desastre ambiental”, destacan dende Verdegaia.
El di que non é posible deixar unha presa abandoada á súa sorte.
Aquí en Galiza, cunhas autoridades tan “flexibles”, todo é posible. Temos exemplos a moreas.
O que non é, é desexable. Facelo así é comprar moitos boletos na lotería do desastre ambiental, como ben apunta Emerman. https://t.co/3O1wvxRED5— Verdegaia (@verdegaiaGZ) July 18, 2019
