Os tres grupos da oposición, PP, PSOE e BNG, compareceron minutos despois do anuncio do alcalde para facer unha valoración dos cambios anunciados por Martiño Noriega. O voceiro do PP no concello, Agustín Hernández, parabenizouse do anuncio de que a concelleira Branca Novoneyra poda volver ao goberno en setembro e criticou a remodelación do goberno ao tempo que quixo distanciarse do BNG e do PSOE, afirmando que o PP é a única oposición a Martiño Noriega.
- Máis información: Lixeira remodelación no Goberno municipal
BNG: “O alcalde tiña unha oportunidade de ouro para corrixir o mal funcionamento do Goberno de Compostela Aberta”
O voceiro do BNG no concello, Rubén Cela, explicou que lle parece insuficiente a remodelación do goberno e que el iría máis alá facendo unha reestruturación total do conxunto da plantilla municipal.
Paco Reyes cualifica como “cambio de cromos” a reorganización
Paco Reyes: “O que decide facer o alcalde é botar fóra aos funcionarios que o molestan”
O portavoz do grupo socialista rexeitou os argumentos ofrecidos polo alcalde indicando que Noriega “culpa a todo o mundo de todo, menos a Compostela Aberta e a si mesmo” e defendeu o posto da funcionaria Berta Rosón. Ademais, o PSOE segue insistindo en que non ten constancia de ningunha proposta para sumarse ao goberno.
Agustín Hernández quere distanciarse do PSOE e do Bloque: “O PP é a única oposición”
O voceiro do PP no concello, Agustín Hernández, parabenizouse do anuncio de que a concelleira Branca Novoneyra poda volver ao goberno en setembro e criticou a remodelación do goberno ao tempo que quixo distanciarse do BNG e do PSOE, afirmando que o PP é a única oposición a Martiño Noriega.
