O rural compostelán terá os investimentos máis altos dos últimos anos

As parroquias compostelán contarán con 1,7 millóns de euros do Plan POS + 2017 da Deputación da Coruña

A totalidade dos fondos do Plan POS + 2017 da Deputación da Coruña irán ao rural compostelán. Anunciouno en rolda de prensa o concelleiro de Medio Rural e Equilibrio Territorial, Rafa Peña. O edil explicou que esta decisión se tomou para cumprir o seu compromiso coa cidadanía. O concelleiro de Medio Rural explicou que parte das achegas provinciais destinarase a melloras de pavimentación.

- Publicidade -

“Cumpriremos o compromiso de destinar a totalidade destes fondos á zona rural”

Rafael Peña explicou as accións que desenvolverá o seu departamento entre as que figuran a implantación de pista deportiva á área recreativa infantil nas parcelas colindantes ao colexio e ao CSC de Lavacolla e a segunda fase de ampliación da ponte da Cañoteira en Marrozos.

Rafael Peña aproveitou para anunciar que nas próximas semanas comezarán catro das obras incluídas nos plans provinciais PAS e POS 2016. En concreto, actuarase na estrada de Sigüeiro, no viario que vai de Reboredo a Sionlla de Arriba; na mellora do firme no lugar de Piñeiro, na parroquia do Eixo, e na mellora dos accesos a Villestro.

Faite socia, faite socio

As socias e socios de Nós Televisión son un piar básico. Desde moi pouco, a túa achega económica pode axudarnos a consolidar este espazo audiovisual libre e en galego