Afundación e ABANCA presentan en colaboración co IDEGA (Instituto de Estudos e Desenvolvemento de Galicia da Universidade de Santiago) o informe da economía galega no ano 2018. Nel destaca a converxencia coa economía do resto de España e da Unión Europea; o aumento de emprego, en concreto de contratos indefinidos; e o crecemento da taxa de emprego feminino. Porén, estes datos non concordan co que se reclama dende os sindicatos, que din que o paro baixa, entre outras cousas, debido ao aumento de contratos temporais. Preguntados sobre a marcha da mocidade por faltas de futuro en Galicia, o responsable de IDEGA-USC respondeu que é algo que “non lle preocupa”.

- Publicidade -

Os autores deste informe recoñecen que este ano 2019 ten datos máis negativos que o 2018, xa que din que “está marcado por un comportamento polarizado da economía debido ao Brexit, que prexudica aos sectores internacionais”, di Alberto Meixide, director do IDEGA.

Faite socia, faite socio

As socias e socios de Nós Televisión son un piar básico. Desde moi pouco, a túa achega económica pode axudarnos a consolidar este espazo audiovisual libre e en galego