O Festigal 2018 anuncia a presenza do rapeiro Valtònyc para reivindicar a liberdade de expresión. Hoxe mesmo veñen de difundir un vídeo do propio artista cunha con referenza explícita ao Festigal e a Galiza, onde anuncia a súa presenza o 24 de xullo no Festigal.

“A día de hoxe non sei se poderei estar xa que seguramente xa estarei en prisión”. Así de rotundo se amosou o rapeiro esta mesma mañá.

Dende a sentenza do Tribunal Supremo que confirmou a condea de tres anos e medio de cárcere para o artista, desencadeáronse numerosas manifestacións a favor da liberdade de expresión e en defensa deste rapeiro balear, que ten 14 discos publicados con letras de ideoloxía anticapitalista, republicana e antifascista.