O PSOE reclama que se cubran as prazas vacantes na Banda de Música e un concurso para o director

Desde grupo socialista compostelán presentarán unha iniciativa no vindeiro pleno municipal esixindo que se cubran as prazas vacantes da Banda de Música con estabilidade e un concurso para o director

O concelleiro do PSOE en Compostela, Paco Reyes, presentou hoxe en rolda de prensa unha das cuestións que o partido levará ao vindeiro Pleno. Estamos a falar da banda de música que, en palabras do voceiro, precisa urxentemente de tres instrumentos imprescindibles: O oboe, o fagot e a trompa. Segundo indicou, “unha banda estaría formada por 66 músicos, e nós temos 33 habendo prazas vacantes”.

- Publicidade -

O edil tamén fixo fincapé na necesidade dun director profesional que conte cun contrato estable, xa que se trata dun servizo público esencial e ademais xa se aprobaron os orzamentos para 2017.

Para Paco Reyes o único que falta é “vontade política”

Faite socia, faite socio

As socias e socios de Nós Televisión son un piar básico. Desde moi pouco, a túa achega económica pode axudarnos a consolidar este espazo audiovisual libre e en galego