Todos os sindicatos con representación no Concello de Santiago, a excepción da UGT e o Sindicato de Policias, compareceron en rolda de prensa para informar que o vindeiro xoves 25 de outubro comezarán unha serie de mobilizacións para reclamar un acordo colectivo que facilite o desenvolvemento da súa carreira profesional. Xavier Picón, da CIG, asegurou que “non houbo moito diálogo” coa responsable municipal encargada deste tema.
Un conflito enquistado no tempo
Os sindicatos lembran que este tema xa ten un gran percorrido. Os acordos colectivos realizáronse en 2010 aínda que que non houbo unha partida específica ata o 2015, nos últimos meses do mandato do PP. Apuntan a que houbo reunións e promesas mais sen ningún resultado polo que decidiron tomar esta decisión antes de que teñan lugar as eleccións municipais e sindicais de maio de 2019.
A resposta do Concello: “Estamos a estudar a proposta dos sindicatos”
Pola súa banda, a edil implicada nas conversas coas centrais sindicais, defendeu que desde Raxoi manteñen conversas con frecuencia e que están a estudar a proposta presentada por parte dos sindicatos.
Estas reclamacións poderian extenderse a outros grandes concellos galegos tal e como sinalan os sindicatos, posto que en ningún deles teñen solucionado este problema.
