O ocio inclusivo como ferramenta no ensino

A USC desenvolve en setembro o curso de verán 'Ocio inclusivo como ferramenta para a intervención educativa'

Entre o 3 e o 7 de setembro, a Facultade de Psicoloxía da USC será o escenario do curso de verán Ocio inclusivo como ferramenta para a intervención educativa. Esta é unha formación teórico-práctica que ten por obxectivo “facer conciencia da importancia de incluír nas actividades de ocio ás persoas con diversidade funcional”, en palabras da secretaria do devandito curso, Lorena Francisco Lens.

- Publicidade -

O curso desenvolverase do 3 ao 7 de setembro na Facultade de Psicoloxía

A dinámica consistirá no desenvolvemento de actividades de sensibilización vencelladas á adaptación de diferentes deportes e exercicios de ocio: “Queremos que [as e os alumnos] se poñan na pel das persoas con diversidade funcional”, expón Francisco Lens.

Inscrición

Este curso correrá a conta de tres docentes da Universidade, dirixidos por Arturo Xosé Pereira Rozas, e terá unha duración total de 25 horas —cinco por día—. O custo é de 70 euros para estudantes e de 120 para o público en xeral. Así e todo, poderase realizar a inscrición até o vindeiro 24 de agosto.

Faite socia, faite socio

As socias e socios de Nós Televisión son un piar básico. Desde moi pouco, a túa achega económica pode axudarnos a consolidar este espazo audiovisual libre e en galego