O Museo do Pobo organiza a 13ª edición da MICE

A Mostra Internacional de Cinema Etnográfico celebrarase en Compostela do 4 ao 10 de xuño

O vindeiro 4 de xuño, Compostela converterase na capital do cinema etnográfico. O Museo do Pobo Galego celebra a 13ª edición da MICE, a Mostra Internacional de Cinema Etnográfico. Nesta nova edición, un dos principais obxectivos é outorgar as “vivenzas locais” unha “proxección internacional”, así como unha forte aposta polas mulleres autoras e a igualdade.

- Publicidade -

Do 4 ao 10 de xuño

Durante os días 4 e 10 de xuño, proxectarase máis dunha vintena de filmes, dos cales doce participarán no concurso organizado por este certame. Neste apartado, poderanse apreciar obras de autoras e autores de todo o mundo que veñen de participar en festivais de prestixio internacional.

O grande escenario desta mostra, o Museo do Pobo, quere amosar a súa vocación como institución defensora de Galicia como “contedor de vida” e “xerador de futuro”.

Unha das características deste festival cinematográfico é a súa gratuidade. Para asistir a calquera das proxeccións, que terán lugar en diferentes espazos culturais da cidade, haberá que obter previamente unha entrada de balde nas billeteiras das entidades colaboradoras.

Faite socia, faite socio

As socias e socios de Nós Televisión son un piar básico. Desde moi pouco, a túa achega económica pode axudarnos a consolidar este espazo audiovisual libre e en galego