O informe urbanístico da Planta de Residuos de Casalonga estará exposto en Setembro

Desde a Plataforma avisan que están preparados para responder as accións posteriores que realice a empresa e lembran que na provincia favoreceuse este tipo de instalacións

A Plataforma Casalonga Limpa de Residuos informou que nunha reunión co concello de Teo confirmaron que en setembro iniciarase o período de exposición pública do proxecto da planta de residuos da Casalonga.

Segundo indican desde a Plataforma “se o informe de compatibilidade urbanística do concello é negativo a Xunta dí que se pechará o procedemento deste proxecto en concreto pero aquí, por moito que pese a toda a cidadanía afectada, non vai a acabar o noso pesadelo”. Por este motivo pensan que a empresa abrirá outras vías de acción como “levar a xuízo ao concello para intentar invalidar o informe de compatibilidade urbanística” ou “presentar outro proxecto dunha planta similar (un vertedoiro, unha empresa de tecnosolos,…) na que logo irá engadindo modificacións “non substanciais” ao proxecto”.

Accións da Plataforma

“Asesorarémonos con especialistas en diferentes sectores e coordinarémonos con outras plataformas”, indican nun comunicado, “o día 5 de setembro a plataforma terá acceso á vista do expediente do proxecto e foi solicitado o personamento no expediente da dirección xeral de minas”. Desde a Plataforma sinalan que “só unha mobilización cidadá contundente conseguirá gañar a partida”.

- Publicidade -