O evento Maker Faire, a maior feira de inventos do mundo, chegou hai tres anos a Compostela para quedarse. Este ano medra en contidos e tamaño grazas ao compromiso asinado a través dun convenio entre o Concello de Santiago e a Xunta de Galicia para que a vindeira edición teña lugar na Cidade da Cultura, un lugar que xa conta cun espazo de creación empresarial no ámbito das industrias creativas.