O ensino galego contra o peche de centros educativos

Conversamos con Diego Boquete, membro da Executiva Nacional da CIG-Ensino, sobre os peches de centros de ensino anunciados pola Xunta

A Cig-Ensino denuncia que, sen negociación previa e por sorpresa, a Consellería de educación peche varios centros educativos galegos. Esta acción foi levada a cabo coa ocultación de información ao profesorado afectado e ás familias dos centros.

- Publicidade -
© Cig-Ensino

Esta mesma mañá conversamos con Diego Boquete, membro da Executiva Nacional da Cig-Ensino, sindicato maioritario no sector.

Desde a Plataforma Galega en Defensa do Ensino Público manifestan a súa absoluta indignación ante esta situación.

A Xunta está comunicando telefonicamente o peche de centros de ensino

Contra o peche de centros educativos

Este vindeiro xoves 28 terá lugar unha concentración diante da Consellaría de Educación ás 11:00h contra o peche de centros de ensino

Os centros afectados son principalmente o CEIP Emilio Navasqüés en Outes e o CPI Monte Caxado de As Pontes. Así mesmo, outros centros afectados son o CPI Tomás de Lemos de Ribadavia, no cal se elimina a oferta educativa da ESO; o IES de Celanova, no que se suprimen dez postos docentes e o CPI da Ribeira, no que se impón o traslado das ensinanzas da ESO.

Román Rodríguez , conselleiro de Educación da Xunta de Galicia

E a Xunta…

“Todo é unha mentira”. O Conselleiro de Educación, Román Rodríguez rexeitou hoxe as críticas efectuadas pola comunidade educativa.

O Conselleiro xustifica o peche de centros de ensino como unha necesidade para “manter o 100% das aulas a través de fusións de centros e traslado de unidades. En todo caso, Román Rodríguez clarifica que a “fusión” de centros provocará unha “mellora na calidade dos servizos”

 

Faite socia, faite socio

As socias e socios de Nós Televisión son un piar básico. Desde moi pouco, a túa achega económica pode axudarnos a consolidar este espazo audiovisual libre e en galego