O Alcalde de Compostela vén de comunicar a decisión do Concello de participar activamente no proceso xudicial aberto contra as empresas responsables do vertedoiro de Miramontes e da planta de tecnosolos. Algo “lóxico e coherente” logo de ter “participado na denuncia aportando información do expediente municipal no que tiña que ver cos expedientes abertos no Concello”, explica, así como cos diferentes requerimentos interpostos ás administracións competentes.
