“O Concello non vai un só paso atrás no que ten que ver coa estabilidade da plantilla da Escola de Música”

O profesorado treme perder os seus postos de traballo por mor do cambio de empresa xestora, namentres o alcalde pide "tranquilidade" e asegura que solucionará o conflito

O futuro da plantilla da Escola Municipal de Música fica no aire. A empresa gañadora do concurso público para prestar o servizo non semella disposta a manter ao actual profesorado, unha situación que denunciaron este mércores o grupo socialista e o BNG, alegando que o alcalde “debe resolver a situación”.

O voceiro do BNG, Rubén Cela, recoñece que o Concello non pode obrigar á concesionaria a subrogar o actual persoal, mais si podería facelo a través do convenio colectivo coa plantilla e a empresa. Para Cela, isto é unha cuestión de “deixadez” e “mala xestión” do Goberno municipal.

Pola súa banda, Noriega acusou á oposición de facer “críticas interesadas” e asegurou que comprende a “preocupación lóxica” das e dos traballadores, polo que tentará garantir a “estabilidade” da Escola.

Segundo indicou o alcalde, a mesa de contratación “aínda non está pechada”, polo que non é oficial o nomeamento da empresa elixida e poderían mudar as condicións do prego a prol do profesorado.

Faite socia, faite socio

As socias e socios de Nós Televisión son un piar básico. Desde moi pouco, a túa achega económica pode axudarnos a consolidar este espazo audiovisual libre e en galego