As obras que se acometerán no pavillón polideportivo do CEIP Apóstolo Santiago suporán un investimento total duns 300.000 euros. A concelleira de Deporte, Noa Morales, explicou en rolda de prensa as actuacións que se levarán a cabo.
As obras do pavillón do Apóstolo Santiago contarán cun investimento de 300.000 euros
A concelleria de Deportes de Santiago, Noa Morales, deu conta das importantes reformas no pavillón do CEIP Apóstolo Santiago pic.twitter.com/OKv3DvdhLa
— Nós Televisión (@NosTelevision) 30 de mayo de 2017
Noa Morales sinalou que as actuacións que se levarán a cabo inclúen a mellora dos accesos dende o exterior, que permitirá comunicar de forma directa coa bancada do público. A maiores cubriranse estes accesos con marquesiñas para a protección do frío e a choiva. Tamén se eliminarán as filtracións de auga mediante a reparación de parte da cuberta do edificio
Estas obras no pavillón do Apóstolo Santiago terán unha duración aproximada de catro meses, aínda que actualmente atópanse aínda en fase de licitación.
