O Concello demanda ao Banco Popular polo inmoble de Xeneral Pardiñas

O Concello anuncia accións legais contra a entidade bancaria polo caso do inmoble de Xeneral Pardiñas

O alcalde de Santiago, Martiño Noriega, compareceu en rolda de prensa para explicar as actuacións do actual goberno municipal para rematar outro dos problemas herdados do pasado: a permuta asinada no ano 2005 polo goberno de Xosé Sánchez Bugallo para recibir unha entreplanta de 426 metros cadrados na rúa de Xeneral Pardiñas a cambio dos terreos públicos para construír o actual edificio dos sindicatos.

- Publicidade -

Un novo problema herdado dos gobernos anteriores

Desde Raxoi reclaman a nulidade da hipoteca da entreplanta municipal do inmoble de Xeneral Pardiñas asinada no 2008

Os sucesivos despropósitos continuaron polo retraso en presentar demnada, a primeira foi do 2010, e a inexplicable nula intervención contra a entidade bancaria. O alcalde explicou que o Concello optou agora por unha nova vía xurídica ao presentar accións contra o banco.

Reposta sobre a contratación dun novo avogado para este caso

“Esta contratación supón unicamente 2.500€ fronte os centos de miles de euros que se pagaban anteriormente”

Martiño Noriega tamén explicou que o concello aforrará na interposición da solicitude de medidas cautelares dirixidas a suspender a tramitación da poxa xudicial posto que o importe dos honorarios do avogado serán de 2.500 euros a diferenza dos “centos de miles de euros que custaba a asesoría xurídica externalizada que tivo o Concello de Santiago ata este ano“.

O banco acutou de mala fe e, inexplicablemente, os gobernos anteriores non fixeron nada

Faite socia, faite socio

As socias e socios de Nós Televisión son un piar básico. Desde moi pouco, a túa achega económica pode axudarnos a consolidar este espazo audiovisual libre e en galego