O Concello de Santiago contará con enerxía eléctrica 100% renovable

O concelleiro de Medio Ambiente e Convivencia, Xan Duro, informou en rolda de prensa que o Concello conseguiu mudar o contrato de subministro de enerxía eléctrica para que a partir de agora esta sexa de orixe 100% renovable. O edil explicou que ningún goberno anterior aproveitara as posibilidades que se deron desde a liberalización do sector eléctrico que tivo lugar hai 20 anos.

- Publicidade -

Xan Duro explicou que o cambio tivo lugar logo de que pesara un 25% no prego a empresa que ofertara este tipo de enerxía beneficiosa para o medio ambiente.

Enerxía de orixe 100% renovable

“O custo do subministro para as arcas municipais verase rebaixado en máis de 600.000 euros”

Outra das características do novo subministro é a simplificación do contrato para os diferentes ámbitos de actuación no municipio.

O contrato foi adxudicado á mesma empresa nos tres lotes nos que foi sacado a concurso por un importe total de 2.636.037,52 euros

Faite socia, faite socio

As socias e socios de Nós Televisión son un piar básico. Desde moi pouco, a túa achega económica pode axudarnos a consolidar este espazo audiovisual libre e en galego