O Concello abre un novo expediente de revogación á planta de tecnosolos de Miramontes

O anterior proceso estaba a piques de expirar pola falta de resposta da Xunta

O Goberno de Compostela Aberta mantén a súa “firme defensa” da veciñanza de Grixoa. A corporación local xa advertira en febreiro da súa intención de revogar a licenza da planta de tecnosolos que opera no espazo. Porén, ao tratarse dunha competencia da Xunta, e ante o risco de que se arquive a causa pola falta de decisión do Goberno galego, o Concello decidiu abrir un novo expediente á empresa.

O goberno volve amosar o apoio á veciñanza afectada

Noriega tamén lembrou que aínda hai outro expediente aberto en relación a Miramontes “que ten que ver co uso irregular dos accesos á planta”. Nesa liña, lembrou que “o permiso que outorgou no seu día o Concello era para as empresas que explotaban a canteira de áridos orixinal, pero non para as que traballan cos tecnosolos, polo que cremos que eses camións de alta tonelaxe non deberían facer uso do viario”.

Tema: o vertedoiro descontrolado de Miramontes

Outros asuntos da Xunta de Goberno Local

Noutra orde de asuntos, a Xunta de Goberno local aprobou hoxe comezar o proceso de licitación da oficina técnica do proxecto ‘Smartiago’, baseado no fomento da innovación e a investigación. A primeira fase desta iniciativa do Concello obtivo xa máis de 6 millóns de euros en subvencións do Estado.

- Publicidade -