A Semana Santa en Ferrol é algo máis ca procesións. As dúas oficinas de turismo desta cidade asistiron estes días festivos a un total de 776 turistas, a maior parte procedentes do resto de Estado (80%), constatando que a fortaleza de San Felipe segue a ser o destino máis demandado.
Este emblemático baluarte de Ferrol foi visitado por 1.810 persoas, segundo datos destas oficinas, polo que desde o concello consideran que hai que encamiñar os esforzos en seguir cos investimentos para avanzar na súa posta en valor.
Outros lugares da cidade
Os datos achegados por Turismo da cidade sinalan que o segundo lugar máis visitado foi Exponav (1501 visitantes), o Museo Naval (1295 visitantes) o Museo de Historia Natural (514 visitantes) e Aquaciencia (425 visitantes).
A Concellaría de Turismo nestas datas fixo un esforzo na edición e reparto por distintas oficinas galegas e do Noroeste peninsular de 8.000 folletos en castelán e galego.
