Cando Martiño Noriega chegou ao poder en 2015, sustentou o seu programa sobre dous eixos: a transparencia e a democracia participativa. Porén, dous anos e medio despois, o grupo municipal do BNG critica que haxa máis “palabras” que “feitos”, salientando que “só están a funcionar once dos catorce consellos de participación cidadá” que ten a cidade.
O BNg denuncia que “só están a funcionar once dos catorce consellos de participación cidadá”
Estes consellos foron impulsados dende 1998 polo Goberno de PSdeG e BNG, e a eles habería que sumar os que Compostela Aberta prometeu crear se gañaba as eleccións. Outro aspecto criticado polo Bloque é o “mal funcionamento” dos orzamentos participativos, que, segundo o voceiro do grupo, Rubén Cela, deixou polo camiño moitas “promesas incumpridas” e conta cunha contía, o 1% do orzamento total, que cualifica como “ínfima” para a cidade.
