O Bloque Nacionalista galego anunciou unha batería de propostas no Pleno Municipal do Concello de Santiago, no Parlamento Galego e no propio Parlamento Europeo polo que consideran irregularidades no vertedoiro de Miramontes. Rubén Cela, o vocerio do BNG no concello, explicou que o Bloque reclama solucións para as problemáticas que afectan á veciñanza da parroquia de Grixoa.
“No vertedoiro de Grixoa deposítanse residuos sen tratar que poden incumprir a normativa”
En Raxoi estiveron esta mañá denunciando as posibles irregularidades o voceiro local do Bloque, Rubén Cela xunto con Xosé Luís Rivas, deputado do BNG e a voceira desta oranización en Europa, Ana Miranda.
A organización nacionalista reclama solucións para as problemáticas que afectan á veciñanza da parroquia de Grixoa. Ana Miranda resaltou que hai evidencias de que o tratamento de residuos está a ser irregular. Tamén explicou que hai evidencias de que non se están separando residuos perigosos dos non perigosos.
.@anamirandapaz resaltou que hai evidencias de que o tratamento de residuos no vertedoiro está a ser irregular https://t.co/5vOWz1APai pic.twitter.com/5FBQJF0WQe
— Nós Televisión (@NosTelevision) 2 de junio de 2017
“É un tema de País: precisamos dun modelo de tratamentos de residuos alternativo”
Ademais, o BNG tamén reivindicou un modelo de tratamento de residuos alternativo para o Concello de Santiago. Desde o BNG local, anuncian unha campaña de sensibilización social dos “efectos perversos” que ten o actual modelo vixente.
