O BNG denuncia que os Fondos de Cohesión da UE “esquecen” Galiza

A formación nacionalista presentará emendas no Parlamento europeo para "corrixir" os criterios de "centralización" impulsados por Nadia Calviño, actual ministra de Economía

O pasado 29 de maio, a Comisión Europea presentou a súa proposta para os Fondos de Cohesión do período 2021-2027, unhas contas que, segundo a eurodeputada do BNG, Ana Miranda, prexudican os intereses de Galiza. Nesta proposta non se teñen en conta criterios “clave” para o país como a despoboación, a emigración ou o envellecemento da sociedade galega.

- Publicidade -

O carácter centralizador

Unha das cuestións que máis preocupa ao BNG é o carácter “centralizador” destes orzamentos, xa que a súa distribución será competencia do Estado. Miranda insta a Nadia Calviño, actual ministra de Economía e unha das deseñadoras destes orzamentos, a que permita a Galiza xestionar os seus fondos para beneficio da cidadanía.

Drástica diminución

Asemade, dende o Bloque considérase un grande agravio para o país a considerábel diminución das achegas económicas procedentes destes fondos, xa que pasarán de 70.000 millóns de euros a 21.000 millóns neste novo período. Ana Miranda anuncia que presentará en Europa as “propostas necesarias” para que Galiza non fique nunha situación de desvantaxe.

Faite socia, faite socio

As socias e socios de Nós Televisión son un piar básico. Desde moi pouco, a túa achega económica pode axudarnos a consolidar este espazo audiovisual libre e en galego