A concelleira do BNG Goretti Sanmartín presentou hoxe no Pazo de Raxoi unha iniciativa que defenderá no vindeiro pleno, destinada a esixirlles ao Ministerio de fomento, ADIF e Renfe que se executen os compromisos adquiridos para mellorar a seguranza ferroviaria coa activación do sistema ERTMS que segue sen estar operativo.

- Publicidade -

as vítimas reclaman que se faga memoria e xustiza

A concelleira nacionalista tamén sinalou que existe unha “clara discriminación no caso galego” ao respecto a outros lugares do Estado no que respecta as medidas de seguranza ferroviariais.

Mobilización da Plataforma de Vítimas: 24 de xullo ás 11:00 na estación ferroviaria

Ademais, Goretti destacou que “as vítimas reclaman que se faga memoria e xustiza”, por iso espera que o Concello de Santiago apoie a convocatoria de manifestación da Plataforma de Vítimas do Tren Alvia que sairá o 24 de xullo ás 11:00 da estación ferroviaria e rematará na Praza do Obradoiro para reivindicar a creación das comisións de investigación técnica e parlamentar.

Faite socia, faite socio

As socias e socios de Nós Televisión son un piar básico. Desde moi pouco, a túa achega económica pode axudarnos a consolidar este espazo audiovisual libre e en galego