O Auditorio acollerá dúas charlas sobre o uso da musicoterapia

O Auditorio de Galicia acollerá dúas charlas de Agamus sobre o uso da musicoterapia. A concelleira de Políticas Sociais, Concha Fernández, presentou hoxe as Xornadas de Portas Abertas que organiza a Asociación Galega de Musicoterapia dende o 15 e maio ata o 15 de xuño.

- Publicidade -

As Xornadas organízanse para darlle visibilidade ao traballo da entidade e compartir espazo con diferentes profesionais relacionados coa saúde, a educación e o pensamento. As intervencións son voluntarias e cada profesional pode amosar o traballo que está facendo, os proxectos que está a punto de materializar ou as ideas que xorden.

Agamus é unha asociación sen ánimo de lucro. Os gastos que ocasionan as xornadas son sufragados exclusivamente pola mesma e Casa Baubo.
Non dispón de fondos económicos, ofrece tratamentos gratuítos de musicoterapia a pacientes dos ámbitos clínico, comunitario, educativo, sanitario e social dende o ano 2003 para persoas ou grupos que o precisen e non teñan medios económicos.

Faite socia, faite socio

As socias e socios de Nós Televisión son un piar básico. Desde moi pouco, a túa achega económica pode axudarnos a consolidar este espazo audiovisual libre e en galego