O alcalde de Santiago, Martiño Noriega, reuniuse esta mañá co presidente da Xunta, Alberto Núñez Feijoo. É o terceiro encontro que manteñen desde a chegada do Goberno actual á Alcaldía. Na xuntanza, Noriega pediu un pacto polas tres grandes infraestruturas pendentes na cidade: a EDAR, a estación intermodal e a ampliación da AP-9.

- Publicidade -

“Un pacto de país”

Martiño Noriega fixo fincapé na necesidade dun espazo de consenso en Compostela. Mentres, Feijoo reiterou o seu compromiso por mellorar os servizos públicos e por acadar a recuperación do emprego na cidade.

O modelo turístico, a debate

A temática do turismo non quedou allea nesta reunión. Desde o Goberno de Santiago afírmase que é necesario un novo modelo; un convivencial. Por outra banda, Feijoo apunta que o Turismo aínda pode crecer máis na Galiza.

Con respecto á ampliación da autoestrada AP-9, o alcalde lembrou o compromiso da Xunta por licitar o novo enlace á altura da Cidade da Cultura. Ademais, en relación á Estación de Augas Residuais, aproveitou a reunión desta mañá para agradecer a vontade de Augas de Galicia de asumir o 20% do custo da infraestrutura. O presidente da Xunta tamén amosou a súa preocupación coa situación ambiental creada en Compostela. Finalmente, falando da estación intermodal, Noriega insistiu nos pasos que se deron entre Concello, Xunta e Ministerio de Fomento para acurtar prazos na construción desta.

Faite socia, faite socio

As socias e socios de Nós Televisión son un piar básico. Desde moi pouco, a túa achega económica pode axudarnos a consolidar este espazo audiovisual libre e en galego

Quero ser de Nós Televisión

ARTIGOS RELACIONADOSMÁIS DO AUTOR