O alcalde de Oroso, Manuel Miras, anunciou que pedirán o nomeamento de Ana Pastor como “Persoa non grata” no Concello polas demoras inxustificadas do enlace da AP-9: Dous meses despois de rematar as obras e 5 anos despois da súa aprobación.
O pasado venres, tivo lugar unha mobilización en Sigüeiro para esixir a apertura do enlace coa autoestrada e, sorprendentemente, a apertura tería lugar horas antes da marcha. O Concello de Oroso lamentou o trato do Ministerio de Fomento e censurou que desde Madrid só reaccionasen ante a convocatoria dunha manifestación apoiada por todas as forzas políticas con representación municipal.
Agradecemento ao Concello de Santiago
Ademais, na súa intervención, o alcalde de Oroso agradeceu o apoio do Concello de Santiago e do propio alcalde, Martiño Noriega, na loita por esta “infraestructura imprescindible”
