O alcalde, Martiño Noriega, respondeu diante dos medios de comunicación sobre a recente proposta do BNG da cidade de designar a nova intermodal co nome “Daniel Castelao”. “Por nós non haberá ningún problema” recoñeceu o alcalde da cidade ao tempo que tamén quixo resaltar que a posición do Bloque con todo o relacionado coa futura Estación Intermodal foi “hipercrítica”
O PP semella apoiar a proposta: “Castelao é de todos os galegos”
Nunha recente entrevista, o voceiro do Partido Popular na cidade, Agustín Hernández, tamén saudou a proposta realizada polo BNG local e recoñeceu que “sería ben acollida” polo conxunto de grupos xa que, tal e como resaltou, Castelao pertence “a todos os galegos”
🚅 @Agustin_Stgo explicou hoxe en @OndaCeroGalicia que a proposta de chamarlle #DanielCastelao a nova Estación Intermodal de Santiago sería ben acollida por todos os grupos, xa que se trata dunha figura que pertence, sen discusión, a todos os galegos pic.twitter.com/xIUH2O3yBt
— Populares Santiago (@PopularesStgo) January 9, 2019
