Na madrugada do pasado sábado, a deputada de En Marea Paula Quinteiro viuse envolta nunha disputa coa Policía local de Compostela cando as axentes realizaban un control após recibir unha denuncia por vandalismo. Segundo recolle o atestado policial, Quinteiro tería tentado “impedir” a identificación dun mozo “exhibindo unha tarxeta parlamentaria” e “dificultando” a actuación da Policía.
O alcalde cre a versión da Deputada e tampouco dubida que a Policía local fixese “ben” o seu traballo
Paula di que só pretendía mediar e eu a creo
Porén, a deputada desminte tales acusacións e asegura ter exercido como “mediadora” no conflito debido á actitude “desmedida e violenta” dun dos axentes. Este mércores, o alcalde de Santiago, Martiño Noriega, quixo restar importancia a este incidente alegando que, segundo puido coñecer pola dirección da Policía local, tratouse dunha “incidencia menor” na que Quinteiro unicamente pretendía “mediar”, sen dubidar que as axentes tivesen feito “ben” o seu traballo.
.@MartinhoNoriega resta importancia á disputa de Paula Quinteiro coa Policía Local pic.twitter.com/uvLU8wpls2
— Nós Televisión (@NosTelevision) 21 de marzo de 2018
A inmediata reacción do PP
Queremos saber se Villares respalda á deputada
Nunha liña totalmente oposta se manifestou esta mesma mañá dun Partido Popular que, a través dunhas declaracións de Miguel Tellado, esixiu explicacións a Luís Villares polo comportamento de Quinteiro.
Tellado denunciou que se trata dun caso “ moi grave de utilización de prerrogativas parlamentarias para impedir unha identificación policial”
.@MTelladof: “Cómpre que se dean explicacións e saber se @VillaresLuis respalda ou reproba a @pau_qa” pic.twitter.com/yWhIBoOEwp
— PP de Galicia (@ppdegalicia) 21 de marzo de 2018
