As deputadas do Bloque Nacionalista Galego quixeron facer un chamamento público á manifestación do 8M. Sobre todo agora, “nun momento no que hai forzas políticas que o que queren e que demos pasos atrás” en palabras da voceira nacional do partido, Ana Pontón, que fixo especial referencia “á dereitona na que milita Feijóo”.

“Ningún home ten que explicarnos que significa abortar, non necesitamos paternalismos, nin tutelas“, comentou a voceira, amosando a necesidade de ter gobernos verdadeiramente feministas. Na mesma liña, lembrou que o Goberno de Núñez Feijóo non só “non tomou nota” das demandas que fixeron as mulleres o pasado 8M, senón que ademais “se aliou coa extrema dereita que quere que retrocedamos”.