Após umha longa etapa de 37 colaborações em vídeo para a Rede Galega de Videoblogues, o presidente da AGAL Eduardo Maragoto e Nós Televisión decidírom ampliar os termos da colaboraçom, que se traduzirá num programa com periodicidade mensal de até 5 minutos de duraçom chamado “Galego de Todo o Mundo”, um formato produzido pola equipa de Nós Televisión que incorporará música, imagens e textos aos clássicos vídeos do filólogo ortegano. Os novos vídeos serám gravados em estúdio.

O programa, de umha duraçom de entre 3 e 5 minutos e com umha focagem didática, pretende o aproximar as temáticas linguísticas galegas nom só às pessoas interessadas na Galiza, senom também à comunidade lusófona, onde os vídeos de Maragoto chegárom a ter bastante impacto, com algum superando as 65.000 visualizações. Trata-se portanto de umha extensom da colaboraçom que a AGAL tinha na nossa Rede Galega de Videoblogues, que surde precisamente perante a procura que muitos e muitas usuárias doutros países de fala galego-portuguesa de produzir mais conteúdos nesta linha.

No primeiro vídeo do novo programa, Maragoto aborda a questom do uso do artigo nos topónimos galegos e na língua portuguesa em geral.

Despois dunha longa etapa de 37 colaboracións en vídeo para a Rede Galega de Videoblogues, o presidente da AGAL Eduardo Maragoto e Nós Televisión decidiron ampliar os termas da colaboración, que se traducirá nun programa de periodicidade mensual de ata 5 minutos chamado “Galego de Todo o Mundo”, un formato producido pola equipa de Nós Televisión que incorpora música, imaxes e textos aos clásicos vídeos do filólogo ortegano. Os novos vídeos serán gravados en estudio.

O programa, dunha duración de entre 3 e 5 minutos e cun foco didáctivo, pretende aproximar as temáticas lingüísticas galegas ás persoas interesadas en Galiza e tamén á comunidade lusófona, onde os vídeos de Maragoto chegaron a ter certo impacto, algún superando as 65.000 visualizacións. Trátase polo tanto, duinha extensión da colaboración que a AGAL tiña na nosa Rede Galega de Videoblogues, que xorde precisamente ante a procura que moitas usuarias doutras países de fala galego-portuguesa de producir contidos nesta liña.

No primeiro vídeo, Maragoto aborda a cuestión do uso do artigo nos topónimos galegos e na lingua portuguesa en xeral.